Yer sürüşməsi 31 nəfərin ölümünə, 450 nəfərin itkin düşməsinə səbəb oldu

Qvatemalanın Santa-Katarina qəsəbəsində baş vermiş yer sürüşməsi nəticəsində ölənlərin sayı 31-ə çatıb, daha 450 nəfər itkin düşmüş hesab olunur. APA-nın “RİA Novosti”yə istinadən verdiyi xəbərə görə, yer sürüşməsi qəsəbənin “Kabray-2” rayonunu tamamilə dağıdıb.

Ölənlər arasında 5 uşağın olduğu bildirilir, müxtəlif xəsarətlər almış 36 nəfər xəstəxanalara yerləşdirilib.

Təbii fəlakətə səbəb intensiv leysan yağışları olub.