Rusiya və Türkiyə təyyarələri arasında 13 dəfə təhlükəli yaxınlaşma olub

Oktyabrın 3-dən 10-dək Rusiya və Türkiyə təyyarələri arasında 13 dəfə təhlükəli yaxınlaşma faktı qeydə alınıb. APA-nın “TASS”a istinadən verdiyi xəbərə görə, bu barədə Türkiyə XİN rəhbərinin müavini Əli Kamal Aydın bildirib.

“Oktyabrın 3-dən 10-dək Rusiya təyyarələri iki dəfə bizim hava məkanımızı pozub, Rusiyanın daha üç təyyarəsi təhlükəli manevrlər həyata keçirib, ümumilikdə qeyd olunan müddətdə, Rusiya və Türkiyə təyyarələri arasında 13 dəfə təhlükəli yaxınlaşma halı qeydə alınıb”, deyə Əli Kamal Aydın bildirib.

Türkiyə XİN rəhbərinin müavini həmçinin qeyd edib ki, Türkiyə hava məkanının Rusiya təyyarələri tərəfindən pozulması məsələsini heç də qabartmır: “Heç bir ölkə hava məkanının digər ölkənin döyüş təyyarələri tərəfindən pozulmasına izn verməz”.