Təcili yardım maşını tramvayla toqquşdu - Moskvada

Moskvanın mərkəzində təcili tibbi yardım maşını tramvayla toqquşub.

APA-nın TASS agentliyinə istinadən verdiyi xəbərə görə, qəza Stromınka küçəsində qeydə alınıb.

İlkin məlumata əsasən, toqquşma nəticəsində 2 nəfər xəsarət alıb. Onların vəziyyətləri barədə məlumat verilmir. Hadisə yerinə Dövlət Yol Hərəkəti Təhlükəsizliyi İnspektorluğunun əməkdaşları cəlb edilib. Qəzanın səbəbləri müəyyənləşdirilir.