Referendum başa çatıb: həm «qardaşlar»,həm də “cəbhə” qələbəni qeyd edir

Misirdə Ana yasa referendumu ilə bağlı səsvermənin ikinci turu, həlledici mərhələsi dekabrın 22-də başa çatıb.

Lent.az-ın «BBC»-yə istinadən məlumatına görə, «Müsəlman qardaşları» hərəkatı bildirib ki, səsvermədə iştirak edənlərin 70 faizdən çoxu yeni qanun layihəsini dəstəkləyib.

Mənbənin məlumatına əsasən, bülletenlərin 95,5 faizi sayılıb. «Müsəlman qardaşları» təmsilçisinin qənaətincə, iki turun nəticələrinə görə konstitutsiya 60 faizdən çox səs toplayıb.

Dekabrın 15-də keçirilən birinci turda yeni Əsas Qanun layihəsinə 56 faiz seciçi səs vermişdi.

İkinci turda səsverməyə gələnlərin sayını az, 30 faiz (25 milyon səs vermə hüquq olanın 8 milyonu) olduğu da qeyd edilib.

Əsas müxalifət, Milli Qurtuluş Cəbhəsi «Müsəlman Qardaşları» hərəkatının nəticələri ilə razılaşmadıqlarını, səsvermə zamanı çoxsaylı qanun pozuntularının olduğunu bəyan ediblər.

Rəsmi nəticələr dekabrın 24-də elan olunacaq.

Yeni Ana Yasa qəbul edilərsə, o zaman 2013-cü ildə Misirdə yeni parlament seçkiləri keçiriləcək.