Qamışlıda terrorçu özünü restoranda partlatdı: 5 ölü, 20 yaralı

Suriyanın Qamışlı şəhərində terrorçu-kamikadze özünü restoranda partladıb, nəticədə 5 nəfər ölüb, 20 nəfər yaralanıb. APA-nın “RİA Novosti”yə istinadən verdiyi xəbərə görə, hadisəyə görə məsuliyyəti hələlik heç bir qruplaşma öz üzərinə götürməyib.

Bundan əvvəl Qamışlıda mayən 14-də terrorçu-kamikadzenin özünü partlatması nəticəsində 6 nəfər ölüb, 15 nəfər isə yaralanıb. Aprelin 30-da isə 5 nəfər terrorçu-kamikadzenin blok-posta hücumu nəticəsində ölüb.