İran Çinin şirkətini neft yatağının işlənilməsindən uzaqlaşdırıb

İslam Respublikası Neft Şirkətinin hüquq idarəsinin rəhbərliyi Çinin “CNPCİ” şirkətinə İranın “Cənubi Azadqan” neft yatağında işləmək haqqının ləğv edildiyi barədə bildiriş göndərib.

Lent.az-ın İran KİV-ə istinadən məlumatına görə, bir müddət öncə İranın neft naziri Bijən Zəngənə şirkətə uyğun xəbərdarlıq edib.

İslam Respublikası Milli Neft Şirkətinin baş direktoru Rüknəddin Cavadi məsələ ilə bağlı bildirib ki, ötən ilin sonunda şifahi və yazılı xəbərdarlıqlardan sonra Çin şirkəti layihə ilə balı öhdəliklərini yerinə yetirəcəyini bildirmişdi: “O vaxtdan 90 gün ötsə də Çin şirkəti bu yöndə müsbət addım atmayıb”.