ABŞ-ın büdcəsi təsdiqləndi: 1,1 trilyon

ABŞ Senatı ölkənin 2015-ci il üçün dövlət büdcəsini qəbul edib.

APA-nın “The Wall Street Journal”-a istinadın verdiyi məlumata görə, dekabrın 13-də qəbul edilmiş qanuna əsasən, federal büdcə 1,1 trilyon dollar həcmində müəyyənləşib.

Senatda qanun layihəsinin lehinə 56, əleyhinə 40 seNATOr səs verib.

Qeyd edək ki, ABŞ-da yeni maliyyə ili bu il oktyabrın 1-dən başlayıb və hökumət indiyədək müvəqqəti maliyyələşmə haqqında qətnamə əsasında fəaliyyət göstərib.

Büdcə layihəsinin müzakirəsi Konqresin Nümayəndələr Palatasında və Senatda ciddi fikir ayrılıqları ilə müşayiət olunub.