Slavyanskda döyüş gedir: terrorçular mühasirəni yarmağa cəhd edib

Ukraynanın Slavyansk şəhərində hökumət qüvvələri ilə terrorçular arasında döyüş gedir. APA-nın məlumatına görə, bu barədə Hərbi-siyasi araşdırmalar mərkəzinin rəhbəri Dmitri Tımçuk öz “Facebook” səhifəsində yazıb.

Məlum olub ki, bir qrup terrorçu mühasirəni yararaq şəhərdən çıxmağa cəhd edib. Lakin hökumət qüvvələri buna imkan verməyib.

Hazırda blok-postların birində atışma davam edir.

Tımçuk qeyd edib ki, hərbçilər arasında itki yoxdur.