ABŞ-dan xəbərdarlıq: Avropada yeni terror aktları törədilə bilər

ABŞ Dövlət Departamenti terrorçuların Avropada yaxın gələcəkdə yeni terror aktları planlaşdırması ilə bağlı vətəndaşlarına xəbərdarlıq edib.

APA-nın “RİA Novosti”yə istinadən verdiyi xəbərə görə, bu barədə ABŞ Dövlət Departamentinin məlumatında bildirilir.

Dövlət Departamenti Avropa ölkələrində, xüsusi olaraq bayram günlərində terror aktlarının törədilməsi ehtimalının yüksək olduğunu bildirib.

“Əldə olan məlumata əsasən ehtimal edilir ki, İŞİD, “Əl-Qaidə” kimi terror təşkilatları yeni terror aktları törətməyi planlaşdırmağa davam edirlər. Avropada terror aktlarının törədilməsi ehtimalı yüksəkdir”, məlumatda deyilir.

Dövlət Departamenti vətəndaşlarına insanların kütləvi toplaşdığı məkanlarda və ictimai nəqliyyatda ehtiyatlı olmaq tövsiyə edib.