[b]Polşada Rusiyaya casusluq etdiyinə görə partiya lideri tutuldu[/b]

Polşada Rusiyanın xeyrinə casusluq etməkdə şübhəli bilinən “Smena” (“Dəyişmə”) partiyasının lideri Mateuş Piskorski həbs olunub.

APA-nın “Gazeta.ru”ya istinadən verdiyi xəbərə görə, Piskorski partiyanın ofisində və partiya üzvlərinin evlərində keçirilən axtarışların nəticəsində həbs olunub.

Polşanın rəsmi qurumları Mateuş Piskorskinin həbs olunduğunu təsdiqləyib.

Yerli mətbuat “Smena”nın Polşada ABŞ əleyhinə çıxış edən yeganə partiya olduğunu bildirir. Məlumata görə, partiya Kreml yönümlü mövqedən çıxış etdiyinə görə daim tənqid obyekti olub.