25 min inəyi daşıyan gəmi Türkiyəyə çatdı - FOTO

Təxminin 1 ay əvvəl yola çıxan və göyərtəsində 25 min inək olan Braziliyanın “Nada” gəmisi Türkiyəyə çatıb. Lent.az Habertürk-ə istinadən xəbər verir ki, böyük qalmaqala səbəb olan səfər Mərsin limanında başa çatıb və inəklər gəmidən sahilə endirilib.

Qeyd edək ki, bir çox təşkilatlar heyvanların qapalı şəraitdə uzun müddət saxlanılmasına və daşınmasına icazə vermir. Hətta Braziliya məhkəməsi “Nada” gəmisinin bu qədər heyvanı uzaq məsafəyə apara bilməsinin qeyri-qanuni olması ilə bağlı qərar çıxarıb. Səbəb isə heyvanların tullantılarının həmin səfər boyu təmizlənməsinin mümkünsüzlüyü və onların çirkab içində qalması, həmçinin qidaları ilə tullantıların qarışmasıdır.