“Qarabağ” 2 müdafiəçi ilə meydana çıxır
21 noyabr 2020 15:16 (UTC +04:00)

“Qarabağ” 2 müdafiəçi ilə meydana çıxır

Azərbaycan çempionu “Qarabağ” Premyer Liqanın X turunun “Sumqayıt”la görüşünə qeyri-adi heyətlə çıxır.

Apasport.az saytının məlumatına görə, baş məşqçi Qurban Qurbanov start heyətində cəmi 2 nominal müdafiəçiyə yer verib.

Bunlar Kevin Medina və Donlad Geryedir. Çempionat üçün 6 müdafiəçi sifariş edən Ağdam klubu Bədavi Hüseynovla Abbas Hüseynovun zədə, Rahil Məmmədovla Maksim Medvedevin koronavirus yoluxması üzündən belə vəziyyətə düşüb.

Qurbanovun sərəncamında olan oyunçulardan yarımmüdafiəçilər Qara Qarayev, Elvin Cəfərquliyev, həmçinin Uroş Matiçin arxa xəttə oynaması mümkündür. Lakin onlar nominal müdafiəçi deyil və orta sahə oyunçusu kimi sifariş edilib.

Ümumilikdə isə oyuna 19 futbolçu sifariş edən “Qarabağ”ın ehtiyatda da bir müdafiəçisi qalıb. Bu, ikinci komandadan heyətə cəlb edilən Rauf Hüseynlidir.

Ehtiyatda iki qapıçı və altı sahə oyunçusu olan ağdamlıların 8 üzvündən dördü “Qarabağ-2”nin üzvləridir.

# 1999
avatar

Oxşar yazılar