Rayonda yas verən ev sahibi cərimələndi
03 avqust 2020 14:45 (UTC +04:00)

Rayonda yas verən ev sahibi cərimələndi

Koronavirusa qarşı mübarizə çərçivəsində həyata keçirilən tədbirlər zamanı Tovuzda xüsusi karantin rejimi qaydalarını pozan şəxslərə qarşı inzibati tənbeh tədbirləri tətbiq edilib.

APA-nın yerli bürosunun verdiyi xəbərə görə, həyata keçirilən nəzarət tədbirləri ilə rayonun Aşağı Quşçu kəndində yas mərasimi zamanı dəfələrlə xəbərdarlıq edilməsinə baxmayaraq epidemiya əleyhinə rejimi pozan ev sahibi inzibati Xətalar Məcəlləsinin müvafiq maddəsi ilə cərimə edilib.

Bundan əlavə, şəhər arası fəaliyyət göstərən bir neçə ictimai nəqliyyat vasitəsinin sürücüləri və sərnişinləri epidemiya əleyhinə, sanitariya-gigiyena və karantin rejimlərini pozduqlarına görə məsuliyyətə cəlb edilərək cərimə olunublar. 

Tovuz rayon polis şöbəsi vətəndaşlardan Nazirlər Kabineti yanında Operativ Qərargahın bütün tələblərinə qeyd-şərtsiz riayət etməyi xahiş və tələb edir.

# 2191
avatar

Oxşar yazılar