3645
08:26
01 Mart 2020

“İran xahiş etsə..." - Trampın təklifi gülünc adlandırıldı


“İran xahiş etsə, ABŞ höküməti koronavirusla mübarizədə bu ölkəyə kömək etməyə hazırdır”.

APA TASS-a istinadla xəbər verir ki, bunu şənbə günü ABŞ Prezidenti Donald Tramp deyib.

“İstəsək, şübhəsiz ki, İrana kömək etməyə hazırıq - lakin, onlar xahiş etdiyi təqdirdə”, deyə Tramp əlavə edib.

Qeyd edək ki, cümə günü ABŞ dövlət katibi Maykl Pompeo Vaşinqtonun koronavirusla mübarizədə İrana yardım təklif etdiklərini söyləmişdi. Dövlət Departamentinin məlumatına görə, müvafiq təklif İrana İsveçrə rəsmiləri vasitəsi ilə göndərilib.

İran Xarici İşlər Nazirliyi isə Vaşinqtonun bu təklifini gülünc adlandırıb. Rəsmi Tehrana bildirib ki, Dövlət Departamentinin açıqlaması siyasi oyundur. İran XİN-in rəsmi nümayəndəsi Abbas Musəvinin sözlərinə görə, ölkənin koronavirusa qarşı mübarizə aparmaq üçün dərman və gigiyena məhsullarına olan ehtiyacını təmin etmək üçün bir çox dövlətlə sıx əlaqədədirlər”.