508
11:59
20 Fevral 2020

Keçmiş məhkumdan "Kalaşnikov" götürüldü

Abşeron rayon Polis İdarəsinin əməkdaşları əldə edilən məlumat əsasında Xırdalan şəhəri ərazisində əməliyyat-axtarış tədbirləri keçiriblər.

Daxili İşlər Nazirliyindən Lent.az -a verilən məlumata görə, nəticədə Salyan rayon sakini, əvvəllər məhkum olunmuş R.Əzizovdan “AKM” markalı silah, 1 ədəd patron darağı və 29 ədəd patron aşkar edilərək götürülüb.

Laçın və Kürdəmir rayon sakindlərindən ov tüfəngləri götürülüb.

Laçın rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon sakini S.Məmmədovdan müvafiq sənədləri olmayan “İJ-16” markalı ov tüfəngi götürülüb.

Kürdəmir rayon Polis Şöbəsi əməkdaşları isə Dayıkazımlı kənd sakini S.Feyzullayevdən “İJ-57” markalı ov tüfəngi aşkar edərək götürüblər.