703
17:26
05 Noyabr 2019

Bələdiyyə üzvlüyünə namizədlərin sayı 23 mini keçib

Bu il dekabrın 23-də Azərbaycanda keçiriləcək bələdiyyə seçkilərində iştirak etmək üçün bu günə qədər 23768 nəfər namizədliyinin irəli sürülməsi ilə bağlı Dairə Seçki Komissiyalarına müraciət edib.

APA-nın xəbərinə görə, bu barədə MSK-nın bu gün keçirilən iclasında MSK sədri Məzahir Pənahov məlumat verib.

MSK sədri bildirib ki, 11899 nəfər fərdi qaydada, 11839-u siyasi partiyalar tərəfindən, 30 nəfər isə təşəbbüs qruplarından namizədliyini irəli sürüb.

Qeyd edək ki, Azərbaycanda bələdiyyə seçkiləri dekabrın 23-də keçiriləcək. Respublika üzrə 1606 bələdiyyəyə 15 min 156 üzv seçiləcək. Xatırladaq ki, sonuncu bələdiyyə seçkisi 2014-cü il dekabrın 23-də keçirilib.