Azərbaycanda 800 kiloqramdan çox heroin müsadirə olunub - RƏSMİ
21 oktyabr 2019 17:26 (UTC +04:00)

Azərbaycanda 800 kiloqramdan çox heroin müsadirə olunub - RƏSMİ

Bu ilin 9 ayı ərzində narkotiklərlə mübarizə sahəsində hüquq-mühafizə orqanları tərəfindən 3660 fakt aşkar edilib. 
 
Bu barədə APA-ya Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupundan məlumat verilib. Onlardan 1071-i narkotik vasitələrin qanunsuz satışı, 2290-ı qanunsuz əldə edilib saxlanılması, 261-i qanunsuz olaraq narkotik xassəli bitkilərin kultivasiya edilməsi, 38-i isə digər cinayətlərlə bağlı olub.
 
Aşkar edilmiş faktlar üzrə ümumi çəkisi 1 ton 974 kq 622 qr müxtəlif növ narkotik vasitələr və psixotrop maddələr, o cümlədən 247 min 964 ədəd çətənə kolu qanunsuz dövriyyədən çıxarılıb. Bundan əlavə, 369 kq 500 qr prekursorlar, 236,2 qr güclü təsir edən maddə, 12 kq  500 qr zəhərli maddə qanunsuz dövriyyədən götürülüb.
 
Müsadirə olunan narkotik vasitələrin və psixotrop maddələrin 685 kq 111 qramını marixuana (34,6 faiz), 247 kq 532,6 qramını tiryək (12,5 faiz), 813 kq 888 qramını heroin (41,2 faiz), 1 kq 433,1 qramını həşiş (1 faiz), 4 kq 009,185 qramını kokain (0,2 faiz), 202 kq 647,6 qramını psixotrop maddələr və digərləri (10,2 faiz) təşkil edib.
 
Həmçinin, Daxili İşlər Nazirliyinin təşkilatçılığı, Ekologiya və Təbii Sərvətlər Nazirliyi, Kənd Təsərrüfatı Nazirliyi, Dövlət Sərhəd Xidməti və digər aidiyyəti qurumların nümayəndələrinin iştirakı ilə 2401 hektar 288 sot ərazi üzrə 126 ton 844,9 kq (247 min 964 ədəd) narkotik tərkibli bitkilər yaşıl kütlə halında məhv edilib.
# 469
avatar

Oxşar yazılar