Azərbaycanda cinayət törədən yeniyetmələrin sayı AÇIQLANDI

Azərbaycanda ötən il cinayət törədən 14-17 yaşlı yeniyetmələrin sayı məlum olub.

Lent.az Dövlət Statistika Komitəsinə istinadən xəbər verir ki, 2018-ci ildə həmin yaşlarda 471 uşaq cinayət törədib. 2017-ci ildə onların sayı 486 olub.

2000-ci ildə bu göstərici 573 nəfər təşkil edib.

Cinayət törədən yeniyetmələrdən 460-ı oğlan, 11 nəfəri qız olub.

Uşaqların 115 nəfərinin yaşı 14-15, 362-nin yaşı 16-17 təşkil edib.

Qeyd edək ki, 2000-ci ildə 14-15 yaşında 111 uşaq cinayət törədib

Cinayət törədən uşaqlardan 12-si hadisəni sərxoş vəziyyətdə edib.

14-17 yaşda cinayət törədən uşaqlardan 301-i məhkum olunub.

Məkum olunanlardan 74-ü azadlıqdan məhrum edilməklə, digərləri isə islah işləri, şərti məhkum etmə, ictimai işlər və cərimə yolu ilə cəzalandırılıb.