Məhkəmənin qarşısında quldurluq: cəzası ağır oldu
15 iyul 2019 13:21 (UTC +04:00)

Məhkəmənin qarşısında quldurluq: cəzası ağır oldu

 
 
Bakı Ağır Cinayətıər Məhkəməsində quldurluqda ittiham edilən Səid Vəliyevin cinayət işi üzrə məhkəmə prosesi başa çatıb. 
 
APA-nın məlumatına görə, hakim İradə Həsənzadənin sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, S.Vəliyev 8 il 3 ay müddətinə azadlıqdan məhrum edilib. 
 
Qeyd edək ki, ittihama görə, 1997-ci il təvəllüdlü S.Vəliyev mühakimə olunduğu Bakı Ağır Cinayətlər Məhkəməsinin qarşısında tanımadığı İlkin Abdullayev adlı şəxsə yaxınlaşaraq pul istəyib. İlkin qorxaraq cibində olan 11 manatı Səidə verib. 
 
İttihamda o da göstərilir ki, Səid həmin pulun 2 manatını yolpulu etməsi üçün İlkinə qaytarıb. Bundan sonra Səid polis əməkdaşları tərəfindən saxlanılıb. 
O, digər şəxsə qarşı da eyni əməli törətməkdə ittiham edilir. S.Vəliyev Cinayət Məcəlləsinin 181.2.1 (quldurluq) maddəsi ilə təqsirli bilinib.
# 555
avatar

Oxşar yazılar