281
13:03
08 İyul 2019

Bakıdan ən çox sərnişin hara daşınır? - Avtovağzaldan CAVAB

2019-cu ilin iyun ayı ərzində Bakı Beynəlxalq Avtovağzal Kompleksindən (BBAK) ümumilikdə 10 915 reyslə 287 585 sərnişin daşınıb.
Bu barədə Lent.az -a BBAK-ın mətbuat katibi Pərvin Məmmədova məlumat verib. O bildirib ki, iyun ayı ərzində 260 000 sərnişin şəhərlərarası istiqamətlərə, 27 585 sərnişin isə Beynəlxalq reyslərlə yola düşüb:
"Şəhərlərarası istiqamətlərdə ən çox sərnişin axını Gəncə, Qırmızı Körpü, Xaçmaz, Quba , Qusar, Mingəçevir, Şəki şəhərlərinə olub.
Beynəlxalq reyslərdə isə Marneuli, İstanbul, Tbilisi, Naxçıvan şəhərlərinə gedənlərin sayı üstünlük təşkil edir".
P.Məmmədova əlavə edib ki, qabaqcadan satış kassalarından və “Onlayn” qaydada bilet alanların sayı 15 000-dən çoxdur:
"Sərnişin sayından asılı olaraq bölgələrə və beynəlxalq reyslərə avtobus sayı artırılıb. Ötən ilin iyun ayı ilə müqayisədə isə Beynəlxalq reyslərlə səfər edənlərin sayında artım müşahidə olunur".