Belarusun paytaxtı Minskdə keçirilən II Avropa Oyunlarında boks yarışlarına start verilib.
APA-nın Minskə ezam olunmuş əməkdaşının məlumatına görə, öncə 56 kq çəki dərəcəsində mübarizə aparan kişi boksçular “Uriçye Arena”nın rinqinə çıxıblar.
Azərbaycan yığmasının heyətində qüvvəsini sınayan ilk boksçu Tayfur Əliyev olub. O, 1/16 finalda Boyan Asenovla qarşılaşıb. 3:2 hesablı qələbə qazanan boksçumuz növbəti mərhələyə adlayıb. Əliyev 1/8 finalda ukraynalı Nikola Butsenko ilə qarşılaşacaq. Bu görüş iyunun 24-də keçiriləcək.
Qeyd edək ki, bu gün daha iki boksçumuz rinqə çıxacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
