Bakı klubları Avropa Liqasında “Espanyol” və “Vulverhempton”la qarşılaşa bilər

Azərbaycan klublarının Avropa Liqasının II təsnifat mərhələsindəki potensial rəqiblərinin siyahısı dəqiqləşib.

APA-nın məlumatına görə, bu gün İsveçrədə keçiriləcək püşkatmada üç təmsilçimizin rəqibi bəlli olacaq.

Yarışa bu raunddan başlayacaq “Qəbələ” püşk zamanı 3-cü qrupda yer alacaq. Səpələnmişlərdən olacaq “qırmızı-qaralar”ı 5 mümkün variantdan biri gözləyir:

3-cü qrup, səpələnməmişlər

“Lexiya” (Polşa)

“Dinamo” (Gürcüstan) – “La Fiorita” (San-Marino)/“Enqordani” (Andorra)

“Olimpiya” (Sloveniya) – “Riqa” (Latviya)

“Breydablik” (İslandiya) – “Vaduts” (Lixtenşteyn)

“Radniçki” (Serbiya) – “Flora” (Estoniya)

I təsnifat mərhələsində Moldova “Speranta”sı ilə görüşəcək “Neftçi”nin yer aldığı cüt püşkdə 1-ci qrupda olacaq. “Ağ-qaralar” səpələnməmiş olduğundan səpələnmişlərdən biri ilə üzləşə bilər.

1-ci qrup, səpələnmişlər

“Dinamo” (Belarus) – “Liepaya” (Latviya)

“Espanyol” (İspaniya)

“Laçi” (Albaniya) – “Hapoel” (Beer-Şeva, İsrail)

“Atromitos” (Yunanıstan)

“Arsenal” (Rusiya)

Digər paytaxt klubu “Səbail”in Rumıniya təmsilçisi “Universitatya” ilə cütü 7-ci qrupda yer alacaq. Səpələnməmiş olan cütün qalibini daha güclü rəqib gözləyir.

7-ci qrup, səpələnmişlər

“Aris” (Yunanıstan)

“Esbyerq” (İsveç)

“Vitoriya” (Portuqaliya)

“Vulverhempton” (İngiltərə)

“Honved” (Macarıstan) – “Jalgiris” (Litva)

“Partizan” (Serbiya)