410
12:34
18 İyun 2019

Rusiya və Gürcüstan vətəndaşları İstanbulda atışdı: Ölənlər var

İstanbulda Rusiya və Gürcüstan vətəndaşları arasında kütləvi dava olub.

Lent.az xarici mətbuata istinadən bildirir ki, şahidlərin sözlərinə görə, bir neçə kişinin mübahisəsi sonradan kütləvi davaya keçib.

Dava iştirakçılarının bir neçəsi bıçaqla silahlanıb, şahidlər hətta atəş səsi də eşidiblər.

İlkin məlumata görə, Rusiya vətəndaşlarından biri bıçaq yarasından ölüb. Bir nəfər Gürcüstan vətəndaşı isə başından aldığı güllə yarasından xəstəxanada vəfat edib.

Davanın qalan iştirakçıları hadisə yerindən uzaqlaşıblar. Hazırda hüquq-mühafizə orqanları onları axtarır.