Azərbaycanda qəbiristanlıq  yanır - YENİLƏNİB
16 iyun 2019 17:28 (UTC +04:00)

Azərbaycanda qəbiristanlıq yanır - YENİLƏNİB

Göyçay rayonunda Yeniarx kənd qəbiristanlığında və yaxınlıqdakı taxıl sahələrinə yanğın məhdudlaşdırılıb.
 
APA-nın yerli bürosunun məlumatına görə, hadisə zamanı qəbiristanlıqda 2 hektar ərazidə ot, ağac, kol yanıb, o cümlədən yaxınlıqdakı 10 hektar taxıl sahəsi yanıb.
 
Hazırda yanğın ocaqlarının tam söndürülməsi istiqamətində işlər davam edir.
 
 
 
15:03
 
Göyçay rayonunda böyük ərazidə yanğın hadisəsi baş verib.
 
APA-nın yerli bürosunun xəbərinə görə, bu gün saat 14.00- radələrində rayonun Yeniarx kənd qəbiristanlığında başlayan yanğın qısa vaxtda geniş əraziyə yayılıb.
 
Hadisə yerinə Fövqəladə Hallar Nazirliyinin Göyçay Dövlət Yanğından Mühafizə Hissəsinin 5 yanğınsöndürən avtomobili və canlı qüvvəsi, eləcə Ucar və Ağdaş rayonlarının yanğınsöndürən briqadaları cəlb olunub.
Hava küləkli olduğu üçün alov qısa vaxtda qəbiristanlıqdan yaxınlıqdakı taxıl sahələrinə keçib. Hadisə zamanı həyətyanı sahələrin çəpərləri, meyvə ağacları, quru ot, və taxıl sahələri yanıb.
 
Hazırda yanğın davam edir. Yanğınsöndürənlər alovun qarşısını almağa çalışırlar.
 
Qeyd edək ki, yanğının kim tərəfindən törədildiyi hələ məlum deyil. Yanğının qəsdən törədildiyi ehtimal olunur.
 
Faktla bağlı araşdırma aparılır.
# 739
avatar

Oxşar yazılar