“NASA” Mars atmosferində uçuş üçün pilotsuz vertolyot yaradıb
10 iyun 2019 19:45 (UTC +04:00)

“NASA” Mars atmosferində uçuş üçün pilotsuz vertolyot yaradıb

ABŞ Kosmik Agentliyinin (NASA) reaktiv hərəkət laboratoriyasının (Jet Propulsion Laboratory) mütəxəssisləri Mars atmosferində uçacaq pilotsuz uçan vertolyot təqdim ediblər.
 
 
Lent.az ictnews-a istinadən xəbər verir ki, vertolyotun Qırmızı planetə uçuş imkanını sübut etmək üçün yaradılması ilə əlaqədar onun göyərtəsində elmi aparatura quraşdırılmayacaq.
 
 
Fevral ayında vertolyot Mars atmosferində mövcud şəraiti təkrarlayan 8 metr diametrlik test kamerası şəklində olan “Kosmik imitator”da sınaq uçuşu həyata keçirib.
 
 
Məlumata görə, daha sonra Denver şəhərində yerləşən sınaq mərkəzinə aparılan aparatın “Mars 2020” kosmik aparatı ilə uyğunluğu yoxlanılıb. Vertolyotun planet səthinə enişdən sonra ondan ayrılması nəzərdə tutulur.
 
“İndiyədək Mars atmosferində uçuş üçün vertolyotlar yaradılmadığına görə biz hər dəfə yeni problemləri həlli etməli oluruq”, – “Mars Helicopter” layihəsinin rəhbəri Mimi Aun bildirib.
 
 
Onun sözlərinə görə, artıq yayda vertolyotun montaj korpusuna təhvil verilərək orada Mars kosmik aparatına quraşdırılması planlaşdırılır.
# 701
avatar

Oxşar yazılar