Qazaxıstanın yeni seçilmiş prezidenti Kasım Jomart Tokayevin andiçmə mərasimi iyunun 12-də keçiriləcək.
APA "TASS"a istinadən xəbər verir ki, bu barədə K.Jomart Tokayev keçirdiyi mətbuat konfransında məlumat verib.
“Əgər Mərkəzi Seçki Komissiyası səslərin hesablanmasını başa çatdıra bilsə, andiçmə mərasimi iyunun 12-də baş tutacaq. İyunun 14-də mən Bişkekdə keçiriləcək Şanxay Əməkdaşlıq Təşkilatının sammitində iştirak edəcəyəm. Qazaxıstan prezidentinin orada tam səlahiyyətli şəkildə iştirak etməsi arzuolunandır”, - deyə Tokayev qeyd edib.
Qeyd edək ki, ötən gün Qazaxıstanda növbədənkənar prezident seçkiləri keçirilib. Nəticədə Tokayev 70,76 faiz səs çoxluğu ilə qalib gəlib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
