İngiltərənin “Çelsi” klubu Bakıya gəlib.
ONA-nın məlumatına görə, London təmsilçisi Avropa Liqasının mayın 29-da keçiriləcək qarşılaşmasından iki gün öncə ölkəmizə səfər edib.
Az əvvəl Heydər Əliyev Beynəlxalq Aeroportuna enən “zadəganlar” “Arsenal”la Bakı Olimpiya Stadionundakı qarşılaşmanın hazırlığını paytaxtda yekunlaşdıracaq. Maurisio Sarrinin yetirmələri Bakıda yalnız açıq məşqlə kifayətlənəcəklər.
Hərçənd “Çelsi”nin finaldakı London derbisində rəqibi olan “Arsenal” Bakıya daha tez gəlib. Mayın 25-də ölkəmizdə olan “topçular” artıq iki gündür matçın hazırlıqlarını paytaxtda davam etdirir.
Qeyd edək ki, Avropa Liqasının mayın 29-da keçiriləcək “Çelsi” – “Arsenal” oyunu saat 23:00-da başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
