ANS telekanalında aparıcı Kamran Həsənlinin təqdimatında yayımlanan “Axşam-axşam” verilişi yayımını dayandırıb. Lent.az-ın aznews.az-a istinadən xəbərinə görə, bu barədə aparıcı özü danışıb. O bildirib ki, kanal rəhbərliyindən "bu həftə verilişin yayımlanmayacaq" deyilib.
Məsələ ilə bağlı Lent.az-a açıqlama verən ANS Şirkətlər Qrupu prezidentinin media üzrə müşaviri Mais Məmmədov xəbəri təkzib etməyib: “Kamran deyirsə ki, bağlanıb, deməli düz xəbərdir, verilişin yayımı dayandırılıb".
Qeyd edək, K.Həsənli ANS telekanalında “Axşam-axşam” verilişindən savayı "Toylar kralı", “Günə baxan”, “Baza səhəri” proqramlarının aparıcısı olub.
MTRŞ-in rəsmisi Təvəkkül Dadaşov isə movqe.az-a açıqlamasında deyib ki, adıçəkilən verilişin dayandırılması barədə onlar qərar çıxarmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
