2267
12:43
25 Sentyabr 2012

Türkiyədə məşhur musiqiçi vəfat edib

Lent.az -ın “Hürriyet” qəzetinə istinadən verdiyi məlumata görə, 15 gündür ki, İzmirdə özəl bir xəstəxanada xərçəng xəstəliyindən müalicə alan ustad sənətkar dünən reanimasiya şöbəsinə yerləşdirilib, süni nəfəsalma aparatına qoşulub.
Lakin həkimlərin səyinə baxmayaraq, Neşet Ertaş bu səhər həyatını itirib.

Qeyd edək ki, Neşet Ertaş Kırşehirin Çiçekdağı rayonunun Kırtıllar kəndində dünyaya göz açıb, ozan və xalq musiqisi sənətkarı Muharrem Ertaşın övladıdır. Məktəbə oxuyan zaman öncə kaman çalmağı öyrənib, sonra da atası ilə toy və şadlıq məclislərində saz çalıb, türkülər oxuyub. O, müsahibələrində həmişə atası ilə eyni ruhlu insanlar olduğunu söyləyib. 1950-ci illərdə İstanbula gələn Neşet Ertaşın kasetləri çıxır, xalq tərəfindən bəyənilir. Daha sonra Ankarada yaşamağa başlayan sənətkar xəstəlikləri ilə əlaqədar qardaşının dəvəti ilə Almaniyaya gedir. Uzun müddət Almaniyada yaşayan Neşet Ertaş 2000-ci ildə İstanbulda verdiyi konsertlə səhnə həyatına dönüb...