"Zeytun bağları" markası tərəfindən təmizlik aksiyası həyata keçirilib

"Zeytun bağları" markası Azərbaycan Respublikası Ekologiya və Təbii Sərvətlər Nazirliyi ilə birgə təmizlik aksiyası həyata keçirib. Novxan çimərliyində baş tutan layihədə "Zeytun bağları" markası rəhbərliyi və əməkdaşları ilə yanaşı, Ekologiya və Təbii Sərvətlər Nazirliyi könüllüləri, “Azərsun Holdinq” əməkdaşları, xüsusən “Bakı Qida və Yağ Fabriki” kollektivi aktiv iştirak ediblər.

Hər zaman sosial yönümlü aksiyalarda fəal iştirak edən “Zeytun bağları” markasının bu təmizlik aksiyasını keçirməkdə əsas məqsədi ətraf mühitin təmizliyinə riayət olunmasını təbliğ etmək, məişət tullantıları ilə çirklənməsinin qarşısını almaq və əhalini dəniz ətraf mühitinin mühafizəsi uğrunda mübarizəyə çağırış etmək olub. İməclik aksiyasının sonunda zərərli tullantılarla çirkləndirilmiş böyük bir ərazi ürəkaçan, təmiz bir əraziyə çevrilib.