Dubay (BƏƏ) tək səyahət edən qadınlar üçün ən təhlükəsiz şəhər kimi tanınıb.
Lent.az xarici mediaya istinadən bildirir ki, bu barədə “InsureMyTrip” şirkətinin son araşdırmasına istinadən məlumat yayılıb.
Bildirildiyinə görə, təklikdə səyahət getdikcə populyarlaşır, bir çox qadın tək səyahət etməyi üstün tutur. Tədqiqatın müəllifləri Dubayı qadınların gecə gəzintisi üçün ən təhlükəsiz yer kimi təsvir edirlər.
Reytinq belədir:
1. Dubay, (Birləşmiş Ərəb Əmirlikləri).
2. Madrid, İspaniya.
3. Çianqmay, Tailand.
4. Antaliya, Türkiyə.
5. Münhen, Almaniya.
6. Barselona, İspaniya.
7. Mədinə, Səudiyyə Ərəbistanı.
8. Praqa, Çexiya.
9. Krakov, Polşa.
10. Lissabon, Portuqaliya.
Bundan əvvəl səyahət mütəxəssisləri tək səyahət edən qadınlar üçün dünyanın ən təhlükəsiz ölkələrini müəyyən etmişdilər. Siyahıya İrlandiya, Avstriya və Norveç başçılıq edir. Eyni zamanda Almaniyanın Münheni tək turistlər üçün Avropanın ən təhlükəsiz şəhəri kimi tanınıb. İlk 5-likdə həmçinin Sürix, Praqa, Zaqreb və Timişoara yer alıb.