Aksiyada yaralanan yeniyetmə ilə bağlı AÇIQLAMA
18 mart 2023 12:11 (UTC +04:00)

Aksiyada yaralanan yeniyetmə ilə bağlı AÇIQLAMA

Martın 13-də Saatlı rayonunda bir qrup şəxsin magistral yolu bağlamaq cəhdinin qarşısı alınarkən 15 yaşlı yeniyetmənin xəsarət aldığı iddia olunur.

Bununla bağlı medianın sorğusuna cavab olaraq Daxili İşlər Nazirliyi mətbuat xidmətinin Şirvan Regional qrupunun baş inspektoru Nizam Həmidov Lent.az-a bildirib ki, hadisə zamanı bir qrup şəxs polisin qanuni tələbinə əməl etməyərək ictimai asayişin pozulmasına yönəli qanunsuz hərəkətlərini davam etdiriblər.

Bundan sonra polis əvvəlcədən xəbərdarlıq etməklə xüsusi vasitələr tətbiq edərək onların cəhdinin qarşısını almışdır. Bu zaman polisə müqavimət göstərənlərin arasında olan 15 yaşlı gənc xəsarət alıb. Onun xəsarət almasında məsuliyyəti məhz onu qanunsuz aksiyaya cəlb edən şəxs daşıyır.

Odur ki, araşdırma zamanı gənci qanunsuz aksiyaya cəlb edən şəxs barəsində də qanunamüvafiq tədbir görüləcəkdir.

# 2313
avatar

Fidan İlqar

Oxşar yazılar