Lent.az “Məşhurlardan gülməcələr” silsiləsinə davam edir.
Bir gün kamança ustası, Xalq artisti Habil Əliyev Akademik Milli Dram Teatrının bir qrup aktyoru ilə qastrola getməli olur. Qatarda Habil Əliyev 3 başqa aktyorla eyni kupeyə düşür. Teatrın xalq artistlərindən biri (hazırda sağdır) dayanmadan özünü öyür, hey tərifləyirmiş.
O, heç kimə danışmağa imkan vermir, gah deyir, “Mən ən yaraşıqlı kişi aktyor sayılıram”, gah deyir fanatlarımın əlindən çölə çıxa bilmirəm, gah da deyir filan rolu məndən yaxşı oynayan tapılmaz. Qısası, o qədər "mən-mən" deyir ki, Habil Əliyevin ovqatı əməlli-başlı təlx olur. Di gəl ki, özünü çox sevən həmsöhbəti susmur ki, susmur.
Habil Əliyev sonda deyir: “A kişi, sən özünə əməlli-başlı aşiq olmusan, bu gedişlə 9 ay sonra özündən hamilə qalacaqsan, xəbərin olsun”.
Sonralar Habil Əliyev həmin Xalq artistini görəndə zarafatla soruşurmuş. “Nə oldu, uşaq doğuldu?”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
