Təxminən 5 milyard il sonra, Günəş nüvə ehtiyatlarını bitirdikdə və cazibə qüvvəsinə müqavimət göstərmək qabiliyyətini itirdikdə, varlığının son mərhələsinə çatacaq. Günəşin "ölüm" prosesi həm sadə insanlara, həm də onun qara dəliyə çevrilib-çevrilməyəcəyi ilə maraqlanan alimlərə önəmlidir.
Lent.az xəbər verir ki, bu barədə "LiveScience" məlumat yayıb.
Böyük Britaniyanın Sasseks Universitetinin fizika professoru və qara dəlik üzrə mütəxəssisi Xavier Kalmette iddia edir ki, heç vaxt Yer kürəsinin yaxınlığında qara dəlik əmələ gəlməyəcək. Lakin Günəşin "ölməsini" nəzərə almadan belə Yer kürəsinin özü fəlakətlə üzləşə bilər.
Günəşin "ölüm" prosesi 5 milyard ildən sonra bütün enerji ehtiyatlarını tükədəcək və cazibə qüvvəsinə tab gətirə bilməyəcəyi zaman başlayacaq. Nəticədə Günəşin xarici təbəqələri bir-birindən ayrılacaq və bu, Yerin yaxud onun üzərində həyatın məhvinə səbəb ola bilər. Bu vəziyyətdə Günəşin nüvəsi çox sıx bir vəziyyətə qədər sıxılır.
Günəşin sönməsinin növbəti mərhələsi onun ürəyində nüvə birləşmə prosesinin bitməsindən bir milyard il sonra baş verəcək qırmızı nəhəngə çevrilməsi olacaq. Bu nöqtədə Günəş Marsın orbitinə doğru genişlənəcək və bəlkə də Yer də daxil olmaqla digər planetləri əhatə edə bilər.
Xarici təbəqələri daha sonra qızıb dağılaraq Günəşin soyuyan nüvəsi ətrafında planetar dumanlıq yaradacaq. Hazırda Günəşin diametri Yerin diametrindən 109 dəfə böyükdür.
Beləliklə, Günəşimiz heç vaxt qara dəliyə çevrilməyəcək və bu, belə astronomik obyektin əmələ gəlməsi üçün fiziki qanunlar, həmçinin tələblərlə bağlıdır. Bu müşahidə bizim cari bilik və tədqiqatlarımıza əsaslanır və elm inkişaf etdikcə dəyişilə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
