Gündüz nə qədər yatmaq olar? – Həkimdən AÇIQLAMA

Orqanizmin enerji ehtiyatını doldurmağa kömək edəcək gündüz yuxusu üçün optimal vaxt açıqlanıb.

Lent.az xarici mediaya istinadla bildirir ki, somnoloq, tibb elmləri namizədi Sofiya Çerkasovanın sözlərinə görə, gündüz yuxusu bir saatdan çox olmamalıdır.

“Gündüz yuxusunun miqdarına gəlincə, prinsipcə, gecələr kifayət qədər yuxu alan, lakin gündüz yatmağı sevən insan üçün 15-20 dəqiqə kifayətdir. Əgər insan kifayət qədər yuxu almırsa, o zaman çox şey yuxu çatışmazlığının nə qədər güclü olmasından asılıdır”, - mütəxəssis qeyd edib.

Həkimin sözlərinə görə, insan gecələr, məsələn, cəmi beş saat yatırsa, onun norması səkkiz olduğu halda, bu halda gündüz yuxusunun müddəti bir saata qədər artırıla bilər.

Eyni zamanda, o, xəbərdarlıq edib ki, əgər gündüz yatmaq üçün uzanırsansa, axşam yatmaqda çətinlik çəkməmək üçün günorta iki və ya üç saatdan gec olmayaraq oyanmaq məsləhətdir.