Britaniyanın  ilk milyarder musiqiçisi   Pol Makkartni
17 may 2024 18:00 (UTC +04:00)

Britaniyanın ilk milyarder musiqiçisi Pol Makkartni

Məşhur britaniyalı müğənni Pol Makkartni ölkəsinin ilk milyarder musiqiçisi olub. Hazırda onun sərvəti 1,27 milyard dollardır.

Lent.az xarici KİV-ə istinadən xəbər verir ki, statistika təkcə son bir ildə Pol Makkartni və onun həyat yoldaşı Nensi Şevelin sərvətinin 61 milyon dollar artdığını göstərir.

Bu, "2023 Got Back" musiqi turu, həmçinin "The Beatles" qrupunun "Blackbird" mahnısının coveri sayəsində baş verib. “Beatles” qrupunun noyabrda işıq üzü görən son mahnısı “Now and then” də musiqiçiyə xeyli gəlir gətirib. O, dərhal ABŞ, Böyük Britaniya və digər ölkələrdə musiqi siyahılarında birinci yerə çıxıb. Bundan əlavə, cütlüyün sərvəti Nensi Şevelin atası, mərhum Amerika yük maşını maqnatı Mayk Şevelin mirası sayəsində az qala 62 milyon dollar artıb.

Britaniyanın 350 ən varlı adamı arasında Makkartni 165-ci yerdə qərarlaşıb. Bildiyiniz kimi, milyarderlərin siyahısını "The New York Times" tərtib edir. Birinci yeri bankların və "Hinduja Group" əyləncə şirkətinin sahibi Qopi Hinduja qazanıb. Onun sərvəti 45 milyard dollar dəyərində qiymətləndirilirdi.

Pol Makkartni haqqında nə məlumdur?

Pol Makkartni dünya şöhrətli musiqiçi, müğənni, bəstəkar və prodüserdir, daha çox əfsanəvi "The Beatles" rok qrupunun üzvü kimi tanınır. Paul Makkartni "The Beatles" qrupunun basçı və əsas vokalçılarından və bəstəkarlarından biri idi. Con Lennon ilə birlikdə o, populyar musiqi tarixində ən uğurlu və təsirli yaradıcı tərəfdaşlıqlardan birini yaradıb. O, "Yesterday", "Hey Jude", "Let It Be", "Eleanor Rigby" və s.

1970-ci ildə "The Beatles" dağıldıqdan sonra Makkartni uğurlu solo karyerasına başlayıb. Onun debüt solo albomu olan Makkartni 1970-ci ildə çıxıb. Makkartni kommersiya baxımından tarixin ən uğurlu musiqiçilərindən biridir. Onun mahnıları bütün dünyada milyonlarla tirajla satılıb və o, 18 Grammy mükafatı da daxil olmaqla, çoxsaylı mükafatlar qazanıb.

1 2 3 4 5 İDMAN XƏBƏRLƏRİ
# 2655
avatar

Fidan İlqar

Oxşar yazılar