Quldurluq edən Vasif Bayramov, Nəzrin Əliyeva, Ramil Novruzov və Suat Əliyev
22 fevral 2021 11:53 (UTC +04:00)

Quldurluq edən Vasif Bayramov, Nəzrin Əliyeva, Ramil Novruzov və Suat Əliyev

Quldurluq edən dəstə tutuldu, Bakıdan Xırdalana aparıb...- VİDEO

Abşeron rayonu, Xırdalan şəhərində quldurluq hadisəsi baş verib.

DİN mətbuat xidmətindən Lent.az-a verilən məlumata görə, naməlum şəxslər tamah niyyəti ilə özgənin əmlakını ələ keçirmək üçün bir nəfər şəxsə qarşı quldurluq ediblər. Hadisə zamanı dəstə üzvləri zərərçəkəni Xırdalan şəhəri ərazisinə gətirərək orada ona vintaçanla xəsarət yetirib 105 manatını və mobil telefonunu ələ keçiriblər.

Abşeron rayon Polis İdarəsinə məlumat daxil olan kimi hadisəni törədən şəxslərin axtarışlarına başlanılıb. Polislərin keçirdiyi əməliyyat nəticəsində quldurluq etməkdə şübhəli bilinən əvvəllər məhkum olunmuş Vasif Bayramov, Nəzrin Əliyeva, habelə Ramil Novruzov və Suat Əliyev saxlanılıblar. Qeyd edək ki, zərərçəkən şəxs dəstə üzvü olan N.Əliyevanın tanışı olub.

Araşdırma zamanı müəyyən edilib ki, dəstə üzvləri zərərçəkəni paytaxt ərazisində Vasif Bayramova məxsus avtomobilə otuzduraraq Xırdalan şəhərinə gərtiriblər və orada qeyd edilən cinayəti həyata keçiriblər.

Faktla bağlı Abşeron rayon Polis İdarəsində Cinayət Məcəlləsinin 181-ci (Quldurluq) maddəsinin bir neçə bəndi ilə cinayət işləri başlanılıb, araşdırmalar davam etdirilir.

Xırdalanda quldurluq edənlər tutuldu

# 9444
avatar

Mehman Nəbiyev

Oxşar yazılar