Qus Hiddink: “Almaniya ilə oyun Azərbaycanla qarşılaşmadan çox əhəmiyyətli deyil”
08 oktyabr 2010 12:03 (UTC +04:00)

Qus Hiddink: “Almaniya ilə oyun Azərbaycanla qarşılaşmadan çox əhəmiyyətli deyil”

Lent.az-ın “Goal.com”a istinadən verdiyi məlumata görə, Hiddink indiyədək oynadıqları qarşılaşmaları qələbə ilə başa vuran hər iki komanda arasındakı görüşün açıq alınacağını deyib.

Amma hollandiyalı mütəxəssisin fikrincə, Bundestimlə matçın əhəmiyyətini çox da böyütmək lazım deyil: “Bu görüş Azərbaycan və Qazaxıstanla oyunlarımızdan çox önəmli deyil. Qrupdan çıxmaq istəyiriksə, bütün oyunlarda qalib gəlməliyik”.

Hiddink bildirib ki, “Olimpiaştadion”da keçiriləcək qarşılaşmaya 30 min türkiyəli azarkeşin gələrsə, çox sevinəcək. Onun sözlərinə görə, bu cür dəstək əla oyunun alınmasına yardımçı olacaq.

Qeyd edək ki, Almaniya – Türkiyə matçı Bakı vaxtı ilə saat 23:45-də başlanacaq. Oktyabrın 12-də isə Türkiyə yığması Bakıda Azərbaycan millisinin qonağı olacaq. Qus Hiddink Rusiya yığmasına rəhbərlik etdiyi vaxt ötən il oktyabrın 14-də keçirilmiş 2010-cu il dünya çempionatının seçmə qrup matçında Azərbaycanı yenə bilməyib – 1:1.
# 490

Oxşar yazılar