Sumqayıtda marşrut avtobusunda qadın qarət olunub.
Lent.az xəbər verir ki, avtobusda qadının çantasından “Samsung Galaxy A51” markalı telefonu oğurlanıb. Həmin telefonun arxasında isə 70 manat miqdarında pul olub.
Sumqayıt şəhər Polis İdarəsinin 3-cü Polis Bölməsi əməkdaşlarının keçiridkləri tədbirlərlə oğurluqda şübhəli bilinən əvvəllər məhkum olunmuş A. Hüseynovu saxlayıblar. Məlum olub ki, o, telefonun qoruyucusunun arxasındakı pullarla siqaret və digər məhsullar alıb.
Həmçinin də o da məlum olub ki, zərərçəkən S. Abdullayevanın həyat yoldaşı oğurlanan telefona zəng edib. Telefona cavab verən A. Hüseynov mobil telefonu təsadüfən tapdığını və “Ceyran” restoranının yanında görüşərək onu təhvil vermək istədiyini deyib. Lakin buna əməl etməyib.
Polis əməkdaşlarının gördükləri tədbirlər nəticəsində vətəndaşa dəyən ziyan tam ödətdirilib.
Faktla bağlı cinayət işi başlanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
edsdsds.jpg)
