Putini edam etməyə ÇAĞIRDI: 7 il cəza verildi

Moskvanın İkinci Qərb Dairə Hərbi Məhkəməsi “Həmrəylik” hərəkatının fəalı Mixail Kriqeri “terrorçuluğa haqq qazandırmaq” və Kremlin rəhbəri Vladimir Putini edam etməyə çağırmaq ittihamı ilə 7 il müddətinə azadlıqdan məhrum edib.

Lent.az-ın xarici mediaya istinadən xəbərinə görə, rusiyalı terrora haqq qazandırmaqda və zorakılıq hədəsi ilə nifrət yaratmaqda ittiham edilib.

Prokurorlar Kriqeri Federal Təhlükəsizlik Xidmətinin əməkdaşlarının həyatına qəsdə cəhddə və Putini asaraq edam etməyə çağırmaqda ittiham edib. O cümlədən, söhbət fəalın “Facebook” sosial şəbəkəsindəki müvafiq yazılarından və şərhlərindən gedir.

“Rejimə, onu quran çekistlərə və şəxsən V.V.Putinə qarşı şiddətli nifrətimi heç kimdən gizlətmirəm. İnanın mənə, əgər bu KQB-eşnikin asıldığını görənə qədər yaşasam, bu ruhlandırıcı tədbirdə iştirak etmək hüququ üçün qüdrətlə və əsas gücümlə mübarizə aparacağam”, - bu, 2020-ci ildə Federal Təhlükəsizlik Xidmətinin Arxangelsk idarəsində partlayışa səbəb olduğunu və Lubyanskda FTX-nın binasına hücum etmək qərarına gələn Mixail Jlobitskinin postunun altında dərc edilən şərhdir.

Kriqer son sözündə deyib ki, həqiqətən də "Putinin asılmasını" görmək üçün yaşamaq istəyir. O hesab edir ki, onun postları təqiblərə bəhanədir və o, "müharibə əleyhinə, indi isə açıq-aşkar Ukraynayönlü mövqeyinə" görə mühakimə olunur.

Fəal 2022-ci ilin noyabrında saxlanılaraq istintaq təcridxanasına göndərilib.