Göygödə yol-nəqliyyat hadisəsi baş verib.
Lent.az-ın APA-ya istinadla məlumatına görə, hadisə Bakı-Qazax magistralının rayon ərazisindən keçən hissəsində qeydə alınıb.
Hərəkətdə olan iki avtomobilin toqquşması nəticəsində 4 nəfər xəsarət alıb. Qəzada xəsarət alanlar 1992-ci il təvəllüdlü Nuridə Musayeva, 1967-ci il təvəllüdlü Xəqani Əmiraslanova, 1969-cu il təvəllüdlü Aidə Musayeva və 1973-cü il təvəllüdlü Zülfiyə Əmiraslanovadır. Hadisə yerinə təcili tibbi yardım birqadaları cəlb olunub.