Azərbaycan Ordusu Qarabağda əməliyyatlara başladı - Ermənistan KİV

Azərbaycan Ordusunun Qarabağda sülhməramlıların müvəqqəti nəzarətində olan ərazidə keçirdiyi antiterror əməliyyatı nəticəsində qanunsuz erməni silahlı birləşmələrinin 3 hərbçisi ölüb, 8-i yaralanıb.

Lent.az xəbər verir ki, bu barədə Ermənistan KİV məlumat yayıb.

Erməni tərəfinin iddiasına görə, bölgədə Azərbaycan Ordusu tərəfindən əməliyyat (antiterror) keçirilir.

Qeyd edək ki, Azərbaycan Müdafiə Nazirliyinin yaydığı məlumata görə, bu gün səhər saatlarında Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri Laçın rayonu istiqamətində yerləşən Azərbaycan Ordusunun bölmələrinin mövqelərini intensiv atəşə tutub. Nəticədə müddətli həqiqi hərbi xidmət hərbi qulluqçusu əsgər Kazımov Anar Rüstəm oğlu aldığı güllə yarasından şəhid olub.