Muğanda fabrik qapadıldı: 150 nəfər işsiz qaldı

İran iqtisadiyyatının mövcud durumu çeşidli sosial problemlər də yaradıb. Bunlardan biri də işsizlikdir. Maliyyə və texnologiya problemi üzündən müəssisələrin bağlanması bu sahədə vəziyyəti daha da ağırlaşdırır.
Lent.az-ın «İLNA» xəbər agentliyinə istinadən məlumatına görə, Güney Azərbaycanın Ərdəbil əyaləti Muğan bölgəsindəki gön - dəri fabriki ağır iqtisadi vəziyyətlə bağlı fəaliyyətini dayandırıb.
Müəssisənin məsulu Fürutən məsələyə belə münasibət bildirib: «Subsidiyalarla bağlı yeni qanunun icra edilməsi, enerjinin bahalaşması və nəticə etibarı ilə fabrikin xərclərinin artmasına səbəb olub. Bu kimi iqtisadi amillər müəssisənin bağlanmasını qaçılmaz etdi. Ona görə də 150 işçi işsiz qalacaq”.
O, əlavə edib ki, ölkə iqtisadiyyatında müsbət dəyişikliklər olarsa, fabrik öz işini bərpa edəcək.