Qalın topuqlu   qadınlar necə geyinməlidir? 
07 sentyabr 2022 11:17 (UTC +04:00)

Qalın topuqlu qadınlar necə geyinməlidir? 

Qalın topuqlu qadınlar hər zaman geyim seçməkdə çətinlik çəkirlər. Onların əsas xilaskar kombini isə dar cins şalvarla nazik daban ayaqqabılardır. 

Lent.az xarici KİV-ə istinadən xəbər verir ki, bu kombini seçdiyiniz hər hansı kofta, zinət əşyaları və çanta ilə tamamlaya bilərsiniz. 

Əgər topuqlarınızın qalınlığından şikayət edirsinizsə, kobud ayaqqabılardan mütləq uzaq durmalısınız. Həcmli, çox naxışlı çəkmələr ayaqlarınızı olduğundan daha geniş göstərir. 

Qalın biləkli xanımların qaçmalı olduğu ayaqqabı modelləri arasında topuqlu ayaqqabıları da misal göstərmək olar. Biləyi saracaq hər cür detallardan uzaq durmaqda fayda var. 

Hazırda mövsümü olmasa da, kiçik topuqlu çəkmələr, yarım botlar, ucu sivri ayaqqabılar qalın biləkli xanımlar üçün ideal sayılır. 

Əgər dabanlı ayaqqabı əvəzinə babet geyinməyə üstünlük verirsinizsə, yanları açıq modelləri seçməyiniz məsləhətdir. Beləcə, biləkdəki artıq çəki bərabər formada paylanmış olacaq. 

Biləklərinizi daha incə göstərmək üçün ayaqqabınızın altının düz olmasına əmin olun. Bunlarla yanaşı, topuqları qalın olan qadınlar uzun ətəklər və donlara üstünlük verməlidirlər. 


 

# 2835
avatar

Sevinc Fərid

Oxşar yazılar