Heç vaxt dəbdən düşməyən 8 əfsanəvi ətir

Ən yaxşı ətirlər mütləq bahalı və ya nadir deyil. Onların əsas sirri xarakter, tarix və təsir gücüdür. Onlar kiçik qara paltar kimi və ya kult çanta kimi zamansızdır.

Lent.az dünyanı dəyişdirən və bu günə qədər aktuallığını itirməyən 8 ətir barədə məlumat verir.

1. Chanel No. 5 - flakonda inqilab

1921-ci ildə Koko Şanel “çiçək deyil, qadın qoxusu” istədiyini söylədikdə, Chanel No. 5 doğuldu. Bu, tərkibində aldehidlər olan ilk ətir idi. Şəffaflıq və zəriflik effekti yaradan komponentlər.

No. 5 azad, özünə inanan və müasir qadının simvoluna çevrilib. Marilyn Monroe bu ətiri əbədiləşdirdi: “Gecə yalnız beş damla No. 5 geyinirəm,” - o bildirib. Bir əsr keçib, amma bu klassikanın ruhu dəyişməyib, elegantlığın və mükəmməlliyin təcəssümü.

2. Dior J’adore - qadınlığın himni

Zərif, qızılı damla formasında flakonda gizlənən jasmin, gül və ilang-ilang notları ilə J’adore öz möcüzəsini yaradan qadınlar üçün yaradılıb. Bu ətir sadəcə qoxu deyil, özünü və həyatı sevməyin manifestidir.

3. Guerlain Shalimar — hər nəfəsdə sevgi hekayəsi

1925-ci ildə yaradılan Shalimar, imperator Şah Cahan və onun sevimli arvadı Mumtaz Mahalın eşqindən Təc Mahalın əfsanəsindən ilhamlanıb. Vanil, berqamot və tonka paxlası notları ehtiras və sadiqliyin melodiyasını yaradır. Bu ətir gündəlik deyil, ürək daha tez döyünəndə və zaman dayandıqda geyinilir.

4. Yves Saint Laurent Opium — üsyan və ehtirasın qoxusu

1977-ci ildə təqdim edilən Opium, adı və tərkibi ilə qalmaqal yaratdı. Şərq ədviyyatları, ambra və jasmin asılılıq yaradan kompozisiyadır. Bu ətir sadəcə qoxu deyil, bəyanatdır. Qadının azadlığı, cəsarəti və ehtirasının simvolu.

5. Calvin Klein CK One — azadlıq qoxusu

1990-cı illərdə CK One parfümeriyanın qaydalarını dəyişdi. Bu, ilk uniseks ətir idi, təzə, yüngül və şəffaf. Limon, yaşıl çay və müşkün qarışığı cinsiyyət sərhədlərini aşan bir nəsli simvolizə edib.

6. Thierry Mugler Angel — şirin inqilab

1992-ci ildə Thierry Mugler çiçəklərdən imtina edib şokolad, karamel və bal notlarını təqdim edib. Angel ilk gourmand (yeyilə bilən tonlu) ətir olub. Əvvəlcə tənqid olunsa da, sonradan bu cəsarət onu kult halına gətirib. Göyü xatırladan ulduzvari flakon isə xəyal və uşaqlıq arzularının simvoluna çevrilib.

7. Lancôme La Vie Est Belle — xoşbəxtliyin ətri

“La Vie Est Belle” “Həyat gözəldir” deməkdir. Pralin, vanil və iris notları ilə dolu bu ətir daxili harmoniya və səmimi sevinc hissi yaradır. Julia Roberts bu ətirin siması kimi onu satmır, sadəcə hissini bölüşür: xoşbəxtlik sadə anlardadır.

8. Tom Ford Black Orchid — qaranlıqda lüks

Black Orchid güc və cazibənin təcəssümüdür. Qara orkide, şokolad, paçuli və vanil notları ilə dolu bu ətir mistik və cazibədar atmosfer yaradır. Tom Ford sübut edib ki, əsl zəriflik səs-küysüz, amma hökmran ola bilər.

Zamansız ətirlərin sirri

Əsl ətirlər vaxtı aşır, onlar xarakterin və xatirələrin bir parçasıdır. Bu səkkiz parfüm təkcə klassika deyil, bütün bir dövrün, emosiyanın və sevginin kodudur. Axı ətiri seçərkən sadəcə qoxu deyil, dünyanın səni necə xatırlayacağını seçirsən.

ətir

İDMAN XƏBƏRLƏRİ

342

ƏSAS SƏHİFƏ

XƏBƏR LENTİ

Dəb