7 həkimdən 3-ü imtahandan “kəsilib” - SİYAHI

Səhiyyə Nazirliyinin praktik tibb və əczaçılıq fəaliyyəti ilə məşğul olan həkimlərin sertifikasiyası məqsədilə fevralın 2-də keçirdiyi imtahanda uğur qazananların adları artıq bəllidir. Nazirliyin mətbuat xidmətindən Lent.az-a bildiriblər ki, revmatologiya ixtisası üzrə keçirilən imtahanlarda 7 həkim iştirak edib.

İmtahan nəticələrinə əsasən, onlardan heç kəs mümkün 100 balı toplaya bilməyib. Belə ki, imtahanda iştirak edən 7 həkim arasında 99 balla ən yüksək göstəriciyə 2 nəfər nail olub. İmtahan iştirakçılarından 3 nəfəri isə növbəti mərhələyə keçid üçün tələb olunan 60 balı toplaya bilməyib. Bu həkimlərdən biri mümkün 100 baldan 51, digəri 46, üçüncüsü isə cəmi 20 bal toplayıb.

Xatırladaq ki, imtahanın şərtlərinə əsasən, həkimlər 3 saat ərzində 100 sualdan ən azı 60 suala düzgün cavab verməlidir. Hər sual 1 balla qiymətləndirilir. Bu şərti ödəyən həkimlər növbəti mərhələyə - 5 il müddətinə sertifikat almaq üçün müsahibəyə buraxılır. İmtahanda 60 baldan aşağı nəticə göstərənlər isə yenidən imtahan verməlidir. İkinci imtahanda da tələb olunan keçid balını toplaya bilməyən həkimlərin praktik tibb fəaliyyəti göstərə bilməzlər. Onlar yalnız bir müddət də hazırlaşıb yenidən imtahan verməli və sertifikasiya üçün tələb olunan balı toplamalıdırlar.

Fevralın 2-də keçirilən test imtahanlarında iştirak edənlərin nəticələri:

Düz	İş nömrəsi	Soyadı	Adı	Atasının adı
99	000249	Hüseynova	Səidə	İbrahim
20	000355	Ülfətəhər	Gülüstan	Həsən
96	000461	Hüseynova	Cəmilə	Hidayət
92	000505	Məcidova	Aidə	Ağababa
99	000618	Həsənova	Sevinc	Məhəmmədhadi
51	000625	Əfəndiyeva	Eltosət	Qulu
46	000672	Səmədova	Leyla	Allahverən