İranda seçkidən sonrakı müxalifətin liderlərinin fotoları yasaqlandı

Əslində bu müxalifətin 30 ilə yaxın mövcud hakimiyyətə qarşı olanlar arasında bir çox məsələlərə baxış fərqi var. Bu baxımdan prezidentliyə namizədlərin, Mirhüseyn Musəvi və Mehdi Kərrubinin başçılıq etdiyi qruplar gerçək müxalifət sayılmır. Əsasən xaricdə yerləşən müxaliflərin fikrincə, seçkidən sonrakı müxalifətin mövcud hakimiyyətlə «sövdələşməsi» var.

Lent.az-ın «mignews»-a istinadən məlumatında bildirilib ki, İran hakimiyyəti ölkədə çap olunan bütün qəzetlərə islahat hərəkatı liderlərinin (Mirhüseyn Musəvi, Mehdi Kərrubi, keçmiş prezident Məhəmməd Xatəmi, hətta keçmiş prezident və hazırda Dini Ekspertlər və Məsləhət şuralarının sədri Haşimi-Rəfsəncani kimi tanınmışlar bu xəttə aid edilir) fotolarının nəşr edilməsini yasaqlayb.

Hakimiyyətin bu tapşırığı ilə bağlı məlumat həmin müxalifətə aid saytlarda yerləşdirib.

İngiltərədə çıxan «The Guardian» qəzetinin yazdığına görə, İranın İslam Mədəniyyəti və İrşadı Nazirliyi ötən həftə bütün qəzet redaktorlarına, habelə İRNA-ya və başqa xəbər agentliklərinə həmin məsələyə dair uyğun qərarı göndərib.

Sədrəddin Soltan