“İpək yolu”nda daşımalar artıb
23 avqust 2010 10:22 (UTC +04:00)

“İpək yolu”nda daşımalar artıb

Dövlət Statistika Komitəsindən Lent.az-a bildiriblər ki, ilin ilk yarısı ərzində “İpək yolu” vasitəsilə Azərbaycandan daşınan sərnişinlərin sayı 99,9 milyon nəfər təşkil edib – yəni ötən ilin müvafiq dövründəkindən 7,9 faiz çox. TRASEKA vasitəsilə daşınan yüklərin 40,0 faizi dəmir yolu, 43,4 faizi avtomobil, 16,6 faizi dəniz nəqliyyatı ilə daşınıb. Bu, ölkənin nəqliyyat sektorunda daşınmış bütün yüklərin 26,5 faizini təşkil edir.

Ölkə ərazisindən ötürülmüş tranzit yüklərin həcmi əvvəlki ilin müvafiq dövrü ilə müqayisədə 23,2 faiz artaraq 7,6 milyon ton təşkil edib. Daşınmış yüklərin 55,3 faizi dəmir yolu, 44,7 faizi dəniz nəqliyyatı vasitəsilə həyata keçirilib. Daşımalardan əldə olunan gəlirlərin həcmi 14,4 faiz çoxalaraq 154,3 milyon manat təşkil edib. Bunun 42,1 faizi dəmir yolu, 22,3 faizi dəniz, 35,6 faizi isə avtomobil nəqliyyatının fəaliyyəti nəticəsində əldə edilib.

Elxan SALAHOV
# 721

Oxşar yazılar