[b]Taekvondoçularımız dünya çempionatında ilk medalını qazandı[/b]
19 may 2019 13:19 (UTC +04:00)

[b]Taekvondoçularımız dünya çempionatında ilk medalını qazandı[/b]

Mançesterdə keçirilən taekvondo üzrə dünya çempionatında Azərbaycan yığması ilk medalını qazanıb. 
 
ONA-nın məlumatına görə, mundialın dördüncü günündə Fəridə Əzizova fəxri kürsünün üçüncü pilləsinə qalxıb. 
 
67 kq çəki dərəcəsində mübarizə aparan təmsilçimiz Katerin Alvaradoya (Kosta-Rika) 11:7, Kimya Hematiyə (İran) 21:8 və Rut Qbaqbiyə (Fil Dişi Sahili) 8:6 hesabı ilə qalib gələrək yarımfinala vəsiqə qazanıb. Finala gedən yolda çinli Menqyu Janqla üz-üzə gələn F.Əzizova 5:18 hesabı ilə uduzaraq, bürünc medalla kifayətlənib. 
 
Ondan fərqli, 80 kq çəki dərəcəsində dayanq üzərinə çıxan Milad Beiqi Harçeqani yarımfinal səddini uğurla keçib. Dünya çempionumuz ardıcıl olaraq, kubalı Xose Komasa (17:4), fransalı İsmael Bouzid Souhiliyə (19:4), moldovalı Aaron Kuka (40:26) və cənubi koreyalı Vu Hyeok Parka (37:20) qalib gəlib. O, bu gün mundialda ikinci titulu üçün Apostolos Telikostooğlu (Yunanıstan) ilə döyüşəcək. 
 
Dünya çempionatının 5-ci günü həmçinin, Ramin Əzizov (87 kq) və Olimpiya çempionumuz Radik İsayev (+87 kq) də günücü yoxlayacaq. 
# 1474
avatar

Oxşar yazılar