Cəzaçəkmə müəssisələrində peşə hazırlığı kursları başladı

Əmək və Əhalinin Sosial Müdafiəsi Nazirliyi və Ədliyyə Nazirliyinin birgə Tədbirlər Planına əsasən, bu il üçün penitensiar müəssisələrdəki peşə tədrisi bazalarında peşə hazırlığı kurslarının təşkilinə başlanılıb.

Bu barədə Lent.az-a Əmək və Əhalinin Sosial Müdafiəsi Nazirliyindən bildirilib.

Məlumata görə, ilk peşə kursları Salyan rayonunda yerləşən cəzaçəkmə müəssisəsində dülgər-xarrat, təmirçi çilingər peşələri üzrə təşkil edilib. Peşə kurslarına cəzaçəkmə müddətinin başa çatmasına az qalmış 28 nəfər cəlb olunub. Üç aylıq kurslarını müvəfəqiyyətlə bitirənlərə peşə sertifikatları veriləcək.

Ötən il penitensiar müəssisələrdə təşkil edilən peşə hazırlığı kurslarına 239 nəfər cəlb olunub. Onlardan 60-ı qadın, 179 nəfəri kişi olub. Kurslara cəlb olunanların 30 nəfərini yetkinlik yaşına çatmayan şəxslər təşkil edib.

 

 

 

 

 

 

LENT

26 May 2019
25 May 2019

Digər xəbərlər >>>